Татар эстрадасында хәзер чын-чынлап бизнесвуман дип атардай кеше барлыкка килде. Салават Миңнехановның хатыны – Гүзәлем. Җырчы үз исеме белән атап, интернет кибет ачкан. Биредә төрле яулыклар, баш киемнәре, тюрбаннар сатылачак икән. Ләкин, кем белә бит, киләчәктә Гүзәлем белдерүенчә, өс киемнәре дә сатыла башларга мөмкин. “Күп кенә тамашачыларга минем киенү рәвешем ошый – һәм алар яулык , тюрбаннарны кайдан алуым белән кызыксыналар иде. Мондый сораулар күбәйгәч – шундый идея туды. Дөрес, әлегә ул интернет кибет кенә. Ләкин киләчәктә кибетнең үзен дә ачарга планлаштырам”, дип сөйләде җырчы. Молодец, Гүзәлем. Интернет кибетең үз кулланучысын табып, озын-озак хезмәт итсен! Уңышлар!
